Mae Hwb Cymunedol Taj Mahal wedi bod ar agor ers blwyddyn bellach, ac rydym yn parhau i agor ein drysau i fwy o bobl. Byddwn yn agor am fwy o oriau yn 2024 a 2025, gan gynnwys nos Fercher tan 7pm.

 

Rydym hefyd newydd gwblhau'r gwaith o adnewyddu'r gegin, ac rydym yn ei chyfarparu ar hyn o bryd. Hon fydd y gegin gymunedol gyntaf ym Machynlleth. Rydym yn awyddus i sicrhau bod y gegin yn cael ei defnyddio er budd y gymuned, a hoffem glywed sut rydych chi’n meddwl y gallwn ni wneud hynny orau! Rydym bellach wedi arwyddo prydles pum mlynedd ar y gofod, er mwyn sicrhau ei ddyfodol, ac eleni byddwn yn archwilio ffyrdd o brynu’r adeilad er mwyn sicrhau ei fod yn aros fel ased cymunedol ar gyfer y dyfodol.

 

Ein hethos erioed fu cefnogi’r gymuned, creu gweithgareddau a digwyddiadau newydd nad ydynt ar gael, peidio â chystadlu â busnesau a gofodau eraill yn yr ardal, cysylltu’r hyn a wnawn â gofodau, lleoedd a sefydliadau eraill, a chreu cysylltiadau ar draws cymunedau ardal Dyfi. Yn anad dim, rydym am greu gofod croesawgar, hygyrch, fforddiadwy sy'n caniatáu i bobl gysylltu, ac ailgysylltu â'u cymunedau. Eleni rydym am gysylltu â mwy o bobl a chymunedau ym Machynlleth ac ar draws Bro Ddyfi, ac felly rydym yn estyn allan i ofyn am eich syniadau, eich barn a'ch adborth ar yr hyn y dylem ei wneud yn y dyfodol.

 

Os yw'n well gennych lenwi hwn yn ddienw, mae croeso i chi adael eich enw a'ch manylion allan.

 

Hwb Cymunedol Taj Mahal Community Hub – Arolwg 2024.

 

Os ychwanegwch eich e-bost at yr arolwg byddwn yn rhoi gwybod i chi am weithgareddau a digwyddiadau yn yr Hwb.

​

​

​

​